Оние кои влегуваат во категорија „миленијалци“, сигурно се сеќаваат на „ребелде“ манијата која владееше на почетокот на 2000. година, благодарение на серијата „Млади бунтовници“.

Од декември, и новите генерации ќе може да ја погледнат серијата на платформата “Нетфликс“, додека миленијалците се потсетуваат  на своето детство.

Колку за потсетување, серијата се одвива околу 4 главни ликови во елитно средно училиште. Миа, Марица, Пабло и Мануел се различни еден од друг, но наоѓаат заеднички јазик преку музиката. Подоцна, основаат своја група и се соочуваат со проблемите кои ги имаат сите тинејџери.

„Нетфликс“ го најавуваат и филмот “4 caminos” или „4 патишта“ кој ги следи четворицата ликови по завршувањето на серијата.