Неколкумина специјалисти на Клиниката за пулмологија во Скопје ќе отстрануваат тумори од белите дробови без класична операција и без крварење. Ова го најави директорот на Клиниката, Дејан Докик кој вели дека се работи за интервенција што трае околу една минута, и која најверојатно ќе почне да се применува од следниот месец.

Според него, специјалистите кои ќе ја изведуваат оваа интервенција веќе биле на обуки во Детроит и Хамбруг, а денеска во Скопје ја имаа крајната едукација со претставници на Истражувачкиот центар Ербе – електромедицина.

Тој рече дека очекуваат да имаат повеќе од 50 до 100 пациенти годишно не само од Македонија, туку и од соседните земји.