Американските регулатори од Агенцијата за храна и лекови ја одобрија првата пилула која може да биде дигитално следена низ телото, објави БиБиСи.

Таблетите арипипразол на Abilify MyCite, за лекување на шизофренија и манични епизоди, имаат вграден сензор во нив, кој евидентира дека лекот е земен.

Информацијата за таблетата може да се пренесе на смартфон, како и да се испрати до лекарот кој го препишува, ако пациентот се согласува со тоа.

Експертите се надеваат дека тоа би можело да ја подобри усогласеноста со лековите, иако компанијата што ги прави таблетите вели дека ова не е докажано за нивниот производ.

Белешките за пропишување исто така нагласуваат дека Abilify MyCite не треба да се користи за следење на ингестијата на лекот во “реално време” или за време на итен случај, бидејќи откривањето може да биде одложено или не може да се случи.

Извор: Макфакс