Стадион со Столе Наумов

Во „Стадион“ имаме доволно време да зборуваме со луѓе кои ги сакаме, обожаваме, поддржуваме, се согласуваме со нивните ставови, но пред се да разговараме  со луѓе кои се запоставени и немаат можност да добијат гласност за да се почувствуваат дека се дел од оваа демократија што сакаме да ја изградиме.

Неопходна ни е дебата. Се помалку време поминуваме во разговор едни со други и што е најлошо се помалку ги слушаме другите. Погледнете, на социјалните мрежи врие од омраза, навреди, гнев...

Велат дека молчењето е злато. Но, дали е така? Молчењето ја убива демократијата. Ако вие не зборувате и уште поважно не ги слушате другите, тогаш вие сте далеку од решение.

Демократија е да научиме да ги прифатиме различните и различностите...

Демократијата е силна колку што сме подготвени и отворени да ги слушнеме ставовите на другите.

Дебатата е столб на демократијата. Бидете храбри, разговарајте. Кажете го своето мислење, но слушајте ги и другите. Слушајте „Стадион“ затоа што „Стадион“ е единствена емисија што Ве слуша сите вас...