Љубовта како движечка сила и мотивација, е во фокусот на „Непобедливи“ – новата песна на пејачката Наталија Славева. Како продуцент на оваа поп балада се потпишува Иле Спасев, а Славева е ко-автор на текстот.

„Понесена од убавите моменти и емоции кои што ги има во една врска сакав да направам песна во која што се опеваат тие чувства, на сигурност, посветеност и удобност кога си сакан и сакаш. Со тимот со кој што работевме на песната се потрудивме да ги прикажеме тие емоции и во изведбата и во видеото. Се надевам дека сите заљубени ќе се пронајдат во неа, а и публиката која што се уште ја нема најдено својата сродна душа.“ – вели Славева за Канал 77.

Ова е десетта песна на Наталија Славева, која по пауза од пет години, минатата година се врати на домашната музичка сцена, со настапот на Макфест со баладата Штом љубовта исчезне.