Cardi B е прва на листата по број на номинации на актуелната листа за Billboard Music Awards.

Таа е номинирана 21 пат во 18 категории, но сепак, рекордот го држат Drake и The Chainsmokers со нивните, по 22 номинации во 2017-та година.

Популарната раперка практично ќе се натпреварува против сама себе во три категории:  Тop Hot 100 song, Тop selling song и Тop collaboration.

Веднаш зад неа, по број на номинации се Drake и Post Malone со по 17 номинации. Travis Scott е номиниран дванаесет пати, а XXXTentacion десет пати.

Помеѓу останатите, номинирани се и Лејди Гага и Бредли Купер и тоа во три категории, а Гага е номирана во соло варијанта во една категорија.

Оваа година, има две категории во кои се одлучува според мислењето на фановите, а тоа се Top social artist и Chart achievement.

Домаќин на претстојното издание на Billboard Music Awards  кое ќе се одржи на 1. Мај, во арената MGM Garden, ќе биде Кели Кларксон.