За време на карантинските денови Александра Јанева реши да направи нова верзија на синглот „Еве ме пак“ заедно со 25 млади музички таленти, солисти и инструменталисти.

Новото видео кое во саботата вечерва го објави на нејзините социјални мрежи покажува дека пејачката е во цврста врска со своите фанови.

„Сакам да ги слушнете, не поради тоа што свират и пеат моја музика, туку затоа што се мултиталентирани и нестварно слатки!“, вели Александра за овој проект снимен во услови на самоизолација.

Целиот нов инструментал од фановите е комплетно снимен во домашни услови, со телефони.

Покрај талентите, видеото го разубавуваат искрените реакции на бројните фанови од сите возрасти како и нејзиниот бенд со кој често ја гледавме на настапи низ земјата.