Апликацијата за стримање музика, Spotify, сподели листа на најдобрите песни, албуми и изведувачи во последната деценија.

Според нивните статистики, најмногу се слушала музиката на Дрејк.

Тој собрал повеќе од 28 милијарди стримови, а неговата најпопуларна песна „One Dance“ била пуштена 1,7 милијарда пати. Веднаш по него е Ед Ширан, а следни се Пост Малон, Аријана Гранде и Еминем.
Како најслушана песна на деценијата се истакнува големиот хит „Shape Of You“ на Ед Ширан, која е пуштена 2,4 милијарди пати.

Изминатата, 2019 година, најслушана песна според Spotify е „Senorita“ на Шон Мендез и Камила Кабеjо. Oд објавувањето во јуни, оваа песна е преслушана веќе милијарда пати.

Веднаш зад неа е песната на Били Ајлиш, со наслов „Bad Guy“ и со 900 милиони стримови врзани за нејзиното име.

Били Ајлиш го држи врвот за најпопуларен албум со својот дебитантски албум „When We All Fall Asleep, Where Do We Go“.